Bawat Tipa ng Tiklada

Sa bawat bigkas ng salitang di naririnig

ang bawat tiklada ang nangungusap sa isip



Sinisiping ligaya at lungkot sa mga letra

Sa paglapat ng tinta, sa pagtipa sa makinilya

Doon ko rin nakilala ang kaibigang nagtiwala

Sa pagsulat ako’y muling umibig at nagpalaya



Sa bilyong tao nga naman, ang isip ay iisa

Pagtibok ng sentido, pawang gawa ng musa

Sa pagdatal ng inspirasyon, sa pagsulat ng pluma

Ugnaya’y di na lamang dugo, bagkus ay ideya



Sa iyong pagiging tunay, salamat kaibigan

Panig man ng mundo mo, sa akin ay kasukalan

‘Pagkat sa bawat bigkas ng salitang di naririnig

Ang bawat tiklada ang nangungusap sa ating isip

Friendzone

So near yet so far.
We're together because we remain apart.


How far?
How far is the gap between my seat and yours?
How far is the distance between your glimpse and mine?
How far before my hand touches yours?
How far the water splashes from your chest to mine?


How far as we climb, are my steps from yours?
How far before you hold my arm and say you're mine?
How far should I go before I reach that title 'yours?'
How far is your smile as you sit on the space opposite mine?


How far we are, our pictures would lie.
For we've always been together, yet we've always been apart.


How far?
Too far for forever.
Sigh.

Ang Buhay Mo'y Iyo

Ang buhay mo'y iyo

kaya't huwag mag-atubili sa bawat paghakbang,

sa bawat pagkampay sa walang hanggang paglipad,

sa bawat pagtatampisaw sa luhang dulot ng mundo.


Ang buhay mo'y iyo

kaya't huwag nang maghintay ng ibang pagkakataon,

ng ibang araw upang bumangon nang paulit-ulit na may ngitii,

ng ibang gabi upang mahimbing sa pait na papawiin ng magdamag.


Ang buhay mo'y iyo

kaya't kahit ano pang dumating at umalis,

nariyan ka pa rin, at ito ay tangan mo

hanggang sa huli, hanggang 'di ka bumibitiw.


Ngunit kung minsan napapagod ka na

at nais mo munang huminto sa paglakad

o dumapo muna sa malapit na pahingahan

o umiwas sa tilamsik ng pag-ulan


nandito naman ako


Kung nais mong maghintay ng ilang minuto sa kawalan

o maghapon maglunoy sa lambot ng higaan

o manatiling gising sa buong magdamag


nandito ako


Kung sa lahat ng darating at aalis ay nais mo nang bumitiw

Huwag. Ang buhay ko rin ay akin,

Ngunit kung kailangan mo, iyo na rin.



Salamat, kaibigan,

Sa bawat pinagsaluhan nating

pagkain---masarap man o hindi

inumin---malamig man o mainit

pag-akyat---bundok man o bulkan

awitin---paper roses o kung anuman


Salamat, nakilala kita.

Salamat at kaarawan mo ngayon.

Salamat at maligayang kaarawan sa iyo.