Sa bawat bigkas ng salitang di naririnig
ang bawat tiklada ang nangungusap sa isip
Sinisiping ligaya at lungkot sa mga letra
Sa paglapat ng tinta, sa pagtipa sa makinilya
Doon ko rin nakilala ang kaibigang nagtiwala
Sa pagsulat ako’y muling umibig at nagpalaya
Sa bilyong tao nga naman, ang isip ay iisa
Pagtibok ng sentido, pawang gawa ng musa
Sa pagdatal ng inspirasyon, sa pagsulat ng pluma
Ugnaya’y di na lamang dugo, bagkus ay ideya
Sa iyong pagiging tunay, salamat kaibigan
Panig man ng mundo mo, sa akin ay kasukalan
‘Pagkat sa bawat bigkas ng salitang di naririnig
Ang bawat tiklada ang nangungusap sa ating isip
No comments:
Post a Comment