Naghahalong liwanag
ng pulang pag-ibig
at dilim ng sasapit na gabi
muling bibighani at kakanti
sa damdaming nalulumighati
Pangarap mang halikan ng tubig ang araw na lumilisan,
kahit na ilan pang takip-silim ay di sya mapagbibigyan
Lumuha man ang tubig
lahat ay tila walang pupuntahan
muli't-muli lamang niyang tutunghayan
ang liwanag na inaasam
bumaba man ang haring araw at makipag-niig
umasa man ang tubig at patuloy na maniwala
paulit-ulit syang mabibigo
pagkat ang marubdob na halik ng araw sa tubig
ay hanggang ilusyon lamang
na pawang mga tao ang nakamamasid
mga taong walang sawang nabibighani ng ganda
ganda ng pag-ibig na bigo at walang hantungan
pagnanasang hindi kailanman pahihintulutan
hindi iuukit, hindi pagbibigyan
Hindi man tadhana na pag-ibig ay basbasan
patuloy pa rin ang takip-silim hanggang ang mundo'y imiikot
at ang tubig ay umaasa sa karimlam.
No comments:
Post a Comment