Sa dilim ng gabi at sa pagpitik ng kamay ng orasan
Malilimi ng isipan ang pag-aalalang di matutumbasan
Malambot mang kama ang iyong kinalalagakan
Hindi pa rin sasapat palisin ang dinaramdam.
Ibayong pag-iingat ang mahigpit na tagubilin
Ngunit salita’y hungkag, kung salat sa pagtalima rin
Usal ang litanya ng dasal upang Kaniyang pawiin
Karamdaman sa gabing tahimik at puspos ng panalangin.
No comments:
Post a Comment